الصلاحيات من الألف للياء: المستخدم والدور والنطاق
الفكرة كلها في درس واحد: كل موظف ليه مستخدم، والمستخدم بياخد صلاحياته من دوره، والدور بيحدد هو يعمل إيه ويشوف أنهي بيانات وأنهي شاشات تظهر له.
شغّل الدرس
خطوات الدرس
المستخدمون
كل موظف بيدخل البرنامج ليه «مستخدم» في شاشة «المستخدمين»، باسم دخول وكلمة مرور خاصة بيه.
الدور
المستخدم مش بنديله الصلاحيات واحدة واحدة، هو بياخدها من «دوره». وممكن نديله أكتر من دور، فصلاحياتهم بتتجمع.

الفروع والتعيينات
وفي نفس الصف هتلاقي «الفروع» اللي بيشتغل فيها، و«التعيينات»: يعني المخازن والخزاين المربوطة بيه.

الصلاحيات الفعلية
زرار المفتاح «عرض الصلاحيات» بيوريك الموظف معاه إيه فعلا من كل أدواره مع بعض، ومتقسم حسب الموديول.

الأدوار
في «الأدوار والصلاحيات» كل كارت ده دور لوظيفة واحدة، ومكتوب عليه عدد صلاحياته وعدد المستخدمين المربوطين بيه.

تعديل الدور
لما تعدل الدور، صلاحيات كل اللي شايلينه بتتغير مرة واحدة؛ عشان كده بنعدل الدور، مش كل موظف لوحده.

نطاق البيانات والمخازن
«نطاق البيانات» بيحدد هو يشوف بيانات أنهي فروع، و«نطاق المخازن» بيحدد هو يتعامل مع أنهي مخازن.

الصفحة الرئيسية
«الصفحة الرئيسية» هي أول شاشة بتفتح للموظف بعد ما يدخل، زي «فواتير المشتريات» لموظف المشتريات.

تبويبان
وتحتها فيه تابين: «اختر الصلاحيات» للي يقدر يعمله في البيانات، و«الشاشات في المنيو» للينكات اللي هتظهر له.

المالك
دور «المالك» محمي: بيشوف كل حاجة دايما ومابيتمسحش. فماتجربش صلاحيات موظف وانت داخل بحساب المالك.

شاهد الدرس كاملًا بالصوت والتظليل على الشاشة خطوة بخطوة.
شغّل الدرسدروس أخرى في النظام الأساسي
- بيانات الشركة10 خطوات · 1 د
- إضافة فرع جديد8 خطوات · 1 د
- إضافة مستخدم9 خطوات · 1 د
- إنشاء دور وتحديد صلاحياته9 خطوات · 1 د
- إعدادات الطباعة9 خطوات · 1 د
- تصنيفات المنتجات8 خطوات · 1 د
- الوحدات ومجموعات الوحدات8 خطوات · 1 د
- ترقيم المستندات8 خطوات · 1 د
- سجل النشاط8 خطوات · 1 د
- النسخة الاحتياطية7 خطوات · 1 د
- معالج إعداد النظام10 خطوات · 1 د
- الإعدادات العامة9 خطوات · 1 د